Edhe ditën sotme pedagogët kanë dalë sërish në protestë pasi qeveria nuk ka plotësuar kërkesat e tyre, që lidhen kryesisht me rritjen e pagave për ta dhe stafin ndihmës dhe për rritjen e financimit të kërkimit shkencor.
Pedagogët janë shprehur sot se institucionet e arsimit të lartë janë në udhëkryq ndërsa shprehen se duhet të kenë kontrata kolektive pune. Pedagogia Enkelejda Olldashi deklaroi se kjo kauzë nuk u përket vetëm atyre por gjithë shoqërisë shqiptare, dhe bëri thirrje që politika të qëndrojë larg arsimit.
“Ne ofrojmë një shërbim, nuk i konsideroj më drejtuesit punëdhënës, vetëm studentët. Ata që na japin punë përditë janë studentët tanë, me ata i kemi marrëdhëniet e punës. Duhet të artikulojmë një platformë dhe më pas të negociojmë një marrëveshje. Ne duhet të ndihemi sikur nuk jemi të punësuar sot. Shumë profesorë na janë bashkuar, janë ata që dalin dhe kanë kurajë të dalin përballë”, deklaroi Olldashi.
