Pas incidentit të sotëm mes policisë dhe studentëve, dy studtene shprehen se kundrejt efektivëve do të ngrihet padi penale pasi ata ushtruan dhunë si dhe mbetën të plagosur dy persona.
Ndërkohë ata e justifikojnë ndërhyrjen e policisë për të mos lejuar studentët të protestonin me frikën për rindezjen e protestave të studentëve.
Ata më tej treguan se “Lëvizja për Universitetin” po bën takime të vazhdueshme në çdo Fakultet për të ndarë problematikat dhe kundërshtuar ligjin për arsimin e lartë.
“Aty patëm konfrontime me Policinë të cilët na dhunuan, madje disa edhe janë plagosur dhe për këtë do të ketë dhe një padi penale. Ne ndërmorëm një akt që e kemi bërë shpesh, dhe dhuna policore tregon frikën që qeveria ka për një riorganizim më të madh se ai i vitit të shkuar. Nuk ishte aspak normale sjellja e Policisë në një shtet demokratik ku studentët tregojnë dhe kërkojnë të drejtat e tyre.
Ne nuk kishim marrë leje askund, sepse askund nuk parashikohet që ne të marrim leje për të thënë fjalën tonë të lirë. Policia gjen metoda të ndryshme për të zbutur pakënaqësinë e studentëve për situatën në të cilën ndodhet universiteti. “Lëvizja për Universitetin” ka nisur diskutimet në çdo Fakultet, dhe patjetër rezistenca studentore duhet të vazhdojë deri në rrëzimin e ligjit për arsimin e lartë. Ne e dimë shumë mirë se të gjithë të bashkuar jo vetëm ligjin, por gjithë sistemin arsimor mund ta përmirësojmë”, thanë student në një lidhje në Skype me Fax News.
