MF: Ja procedurat dhe përfitimet nga investimi në bono e oligacione
Ministria e financave ka ftuar të gjithë qytetarët që të shikojnë si një mundësi shumë të mirë investimi të parave të tyre edhe blerjen e titjve qeveritarë. Në fakt kjo është një mënyrë investimi që tashmë shumë qytetarë e kanë aplikuar. Sipas të dhënave të Bakës së Shqipërisë aktualisht 14 për qind e borxhit qeveritar mbahet nga individët.
Ministria e Financave me anë të një njoftimi të posacëm ka shpjeguar alternativat dhe procedurat dhe kriteret e këtij investimi. Sipas shpjegimit të financave qytetarët mund të blejnë bono thesari që janë instrumente të borxhit me afat 3, 6 dhe 12 mujor si edhe obligacione që janë me afat nga 2 deri në 10 vjecar.
Për të blerë këto instrumente të borxhit qeveritar kërkohet pjesëmarrje në ankandet që organizon për këtë qëllim Banka e Shqipërisë, ku për bonot e thesarit kërkohet një shumë minimale 300 mijë lekë të reja ose 2000 euro, ndërsa për obligacionet vlerat minimale janë 500 mijë lekë të reja ose 3000 euro.
Njoftimi, i cili gjendet edhe në faqen ueb të Ministrisë së Finacave jep shpjegime të plota dhe të qarta për të gjithë të interesuarit.
Investimi në bono thesari dhe obligacione të qeverisë, është një ndër mënyrat më të sigurta të investimit të parave dhe me norma interesi që përgjithësisht janë më të larta se interest e depozitave në banka. Në kushtet kur norma e interesit të lekut në bankat e nivelit të dytë ka rënë ndjeshëm, investimi në këto instrumente është edhe me përfitim më të lartë.
