Deputetët e Kuvendit të Kosovës, kanë votuar për qeverinë e re, me Kryeministër Albin Kurtin.
Me 86 vota pro dhe 10 abstenim është votuar qeveria ndërsa opozita ka vendosur të bojkotojë seancën.
Albin Kurti e ka bërë propozimin e kabinetit qeveritar me 15 ministri, 2 zëvndëskryeministra dhe 33 zëvendësministra.
Kryeministri Albin Kurti e ka quajtur një “epokë të re” për Kosovën dhe është zotuar të jetë një kryeministër i njëjtë për të gjithë.
“Kosova ka një kryeministër të ri, dhe koha për interesa personale ka mbaruar”, tha Kurti.
Zëvendëskryeministër është propozuar Avdullah Hoti nga LDK-ja.
Zëvendëskryeminsitër i dytë, ndërkaq, është propozuar Haki Abazi nga Lëvizja Vetëvendosje.
Këta janë emrat e ministrave e qeverisë së re:
- Anton Quni – Ministër i Mbrojtjes
- Lumir Abdixhiku – Ministër për Infrastrukturë
- Besian Mustafa – Ministër i Bujqësisë
- Hykmete Bajrami – Ministre për Arsim
- Agim Veliu – Ministër i Brendshëm
- Vlora Dumoshi– Ministre për Kulturë, Rini dhe Sport
- Ministria e Punëve të Jashtme – Glauk Konjufca
- Ministria e Drejtësisë – Albulena Haxhiu
- Ministria e Financave dhe Transferve – Besnik Bislimi
- Ministria e Ekonomisë – Rozeta Hajdari
- Ministria e Shëndetësisë – Arben Vitia
- Ministria e Integrimeve Evropiane – Blerim Reka.
- Ministre e Administratës – Emilia Rexhepi
- Për komunitete e Kthim – Dalibor Jetvic
- Për Zhvillim Rajonal – Ivan Milojevic
