Mesila Doda ka komentuar deklaratën e kryeministrit Rama në Samitin e kryeminsitrave të Ballkanit, ku u shpreh se refuzon çdo përpjekje për të treguar me gisht shqiptarët.
Doda shprehet se Rama duhet të tregojë hapat që duhen ndërmarrë për të mos u kthyer vizat në Shqipëri dhe të mos vazhdojë më kokëfortësi e karshillëk.
Përmes një postimi në profin e saj në rrjetin social facebook, Doda shton më tej se kreu i qeverisë duhetr të zgjidhë hallin e qytetarëve që i dhanë timonin.
Postimi i plotë i Mesila Dodës
Po e refuzoi ky, a pyesin ata???
Në vend që të na thonë se cilat janë hapat që do ndërmerren për të mos u rikthyer regjimi i vizave me Shqipërinë, po vazhdohet me kokëfortësi e karshillëk, mohimi i një problematike që rrezikon të kthejë mbrapsht procesin më të rëndësishëm të këtyre 27 viteve, liberalizimin e vizave.
Mos e refuzo zoti Kryeministër, po shko e ulu e zgjidh hallin që po i afrohet bashkombasve të tu, se europianet pyesin për refuzimin tënd më pak se për atletet e tua…
Të dhanë timonin, tani dilu në krah e neutralizo realisht e pa arrogancë, sulmin që po afron mbi qytetarët e tu.
