Pas tërmetit të 26 nëntorit, që shkaktoi 49 viktima, Shqipëria po kalon momente paniku ku qytetarët përjetojnë çdo ditë ankth për shkak të pasgoditjeve të shumta.
Qendra Sizmologjike Europiane-Mesdhetare ka reaguar duke thënë se paslëkundjet kanë mbetur të kufizuara, ndërsa shpresojnë që ato të bien.
“Ne shpresojmë që paslëkundjet do bien dhe që miqtë tanë në Shqipëri të qetësohen. Qëndroni të sigurt”, thuhet në njoftimin e Qendrës Sizmologjike Europiane, ndërsa ka publikuar edhe një grafik me intensitetin e tërmeteve.
