Presidenti i zgjedhur Joe Biden, i cili merr detyrën në 20 Janar, nga Delaware u shpreh se ajo që ndodhi dje ishte një nga ditët më të errëta në historinë e SHBA-së.
“Ishte kaos” vazhdon ai duke thënë se ata nuk ishin protestues, por përkundrazi një “turmë e trazuar” dhe “terroristë të brendshëm”.
Më pas u ndal konkretisht duke akuzuar Donald Trump.
“Katër vitet e fundit kemi pasur një president i cili e bëri të qartë përbuzjen e tij për demokracinë tonë, Kushtetutën tonë, shtetin tonë të ligjit” tha ai.
Deklaratat Biden i bëri teksa prezantoi Departamentin e ri të Drejtësisë me të cilin do të punojë nga 20 janari.
