Pushteti që po kafshon futbollin me dhëmbët e Veliajt!

0
243

 

Velaj vijon të godasë. Sot hodhi një tjetër hap dhe tregoi dhëmbët, jo ato për inceneratorët, as ato për ish-kompleksin “Dajti”, as ato të 5 majit, por kërciti dufin e madh karshi Armand Dukës. Në një lëvizje sinkron, por me periudhë kohe të ndarë, mes shefit të tij, sot Veliaj dëshmoi dhe konfirmoi njëherësh bindjen e tij: Armando nuk rrëzohet me votë!
Një deklaratë dalë sot në ekranet e kapura, dhe klienteliste të klikës së Veliajt, përcollën burime dhe zbardhën edhe agresionin e sotëm përtej votës. E megjithatë, ndër rreshta, por edhe hapur Veliaj shpalli luftë frontale prsidentit në detyrë jo nëpërmjet votës, por nëpërmjet forcës. Jo asaj fizike, po asaj të pushtetit. Dhe jo të shtetit. Veliaj është errësuar tërësisht, dhe të jep përshtypjen që ka lënë çdo angazhim bashkiak dhe target ka vetëm një: Dukën. Dikur të Zemunit, sot të llumit sic edhe ai e quan. Skuadra nën komandën e tij, përfshin edhe Damian Gjiknurin, Blendi Klosin, si eksponentë politikë të cilët janë vënë në radhë por edhe janë thirrur “nën armë” për të shkulur një pjesë të tryezës së Qeverisë Europiane të futbollit. Rama shikon e teston! Ka lëshuar “konen” e dytë, pasi I pari (Braçe) nuk I bënte punë. Kjo e dyta është më lojtare. Lali realisht ka më shumë punë se sa lehje. Të paktën në angazhimet e tjera dhe në raport me zhurrmuesin e përhershëm të Parlamentit që përvecse të can k…nuk ka ndonjë argument më shumë.
Veliaj sot pranoi në sulmin e transmetuar prej tij në emitentët që mbartin financime direkte dhe okulte prej aferave bashkiake, që Duka nuk rrëzohet me votë. Një lajm I mirë ky! Njëherësh vetë Lali po mban lart presionin dhe kërcënimin me “gojën” e Agjensive Ligjzbatuese kombëtare, apo edhe me dosjet sipas tij të mirëqepura për Agjensitë Ndërkombëtare të hetimit. Plani A, ai për të thithjen e votës nga baza ra.
E dinin fare mirë që do të rrëzohej. Plani B ishte revanshi i sotëm, me FBI e CIA-rëra, konfiskime të mundshme, apo evazione në biznese private. Duka u gdhi duke parë të tilla thagma në ekranin e benefitarit, sepse Fanja u mërzit dhe e nxori më vonë. Pushteti gjithsesi sot lëshoi silurën e parë karshi familjes së futbollit: Tashmë në lojë ata kërcënuan që do të futen “fuqitë” e mëdha të mekanizmave të drejtësisë. Veliaj ka shtrirë tentakulat e tij gjithkund! Ka vetëm një target: Duka të largohet. Me votën mbaroi punë, pasi kuptoi që llogaritë s’po dilnin aspak. Tashmë, për të vota e 55 anëtarëve të futbollit do të konvertohet me terror, dosje, shantazh, frikë e kërcënim, shtetëror dhe privat. Lali çon selam lart e poshtë për të mbjellë farën e frikës te komuniteti I brishtë I futbollit, në një kohë që pashai I tij më lart rri e vështron. Zgjedhjet e futbollit nisën keq, Veliaj s’po bën gjë tjetër vecse po përshpejton një penalitet maksimal në kurriz të shqipërisë dhe imazhit të saj. Jo për efektin se s’do Dukën, por për efektin që s’do votën!