Katër punonjës të Bashkisë së Pogradecit janë kapur mat, teksa vidhnin pako me ndihma në ambientet e pallatit të sportit.
Nga një video e publikuar në rrjetet sociale, 4 punonjësit të identifikuar si, R. F., 58 vjeç, banues në fshatin Çërravë, Pogradec; R. M., 58 vjeç, banues në Pogradec; B. Xh., 35 vjeç, banues në Hudënisht, Pogradec; M. M., 35 vjeç, banues në fshatin Çervenakë, Pogradec, kanë vjedhur pakot e dhuruara nga donatorët e huaj për komunitetin e Pogradecit.
Nga provat e grumbulluara dhe nga hetimet e mëtejshme të kryera, u bë i mundur dokumentimi i plotë i kësaj ngjarjeje.
Në cilësinë e provës materiale u sekuestruan pakot me sendet e vjedhura dhe një automjet tip “Audi”, me të cilin do të transportoheshin.
Materialet i kaluan Prokurorisë pranë Gjykatës së Rrethit Gjyqësor Pogradec, për veprën penale “Vjedhja e kryer duke shpërdoruar detyrën”, kryer në bashkëpunim.
