Prej disa ditësh, Bashkia e Tiranës ka nisur punën për rikonstruksionin e Bulevardit “Zog I”.
Shefi i departamentit të Mjedisit në PD, Jamarbër Malltezi ka dhënë detaje mbi këtë investim i cili duket të ketë një vlerë mjaft të lartë.
Në reagim thuhet se investimi marramendës kap vlerën 6 milionë euro për 613 m gjatësi (10 milionë euro për km).
“Bulevardi Zog 1 duke u shkep. Para 12 vitesh njëri na vodhi 3 milionë euro nga taksat tona dhe na tha që e kishte zgjidhur punën dhe veç pas 70 vitesh do rikonstruktohej. Tani del një qerrata tjetër që na përlan 6 milionë euro për 613 m gjatësi (10 milionë euro për km!) se do ndërrojë pllakat. Këta edhe të vjedhin, edhe të tallin se nuk kanë as popull protestues dhe as shtet ligjor ku të vepronte ligji”, shkruan Jamarbër Malltezi në reagimin e tij.
Kujtojmë se, kontrata në fjalë, e cila sërish i është dhënë “Fusha sh.p.k, është nënshkruar më 26 qershor, pra tre ditë para kurorëzimit farsë të kryebashkiakut në zgjedhjet një partiake.
