Operatori i Sistemit të Transmetimit ka njoftuar se për shkak të punimeve në nënstacionin “Tirana 1” në Zogun e Zi do të ketë shkëputje të energjisë me datë 17 maj.
Sipas OST energjia do të shkëputet nga ora 08:00 dëri në orën 16:00. Zonat që do të mbeten pa energji janë Pallati i Sportit “Asllan Rusi”, pallatet pranë karburant “Kastratit” tek Zogu i Zi, rruga “Artan Lenja”, pranë ish-fushës së Aviacionit, Lapraka, rrugët “Pandi Dardha”, “Mati Logoreci”, “Vangjel Noti” dhe zona rreth Spitalit Ushtarak.
