Kryeministri Edi Rama, për rreth dy orë është përpjekur të zhvillojë “Dialog me studentët”, nëpërmjet faqes së tij zyrtare në facebook, por që është komentuar shumë, jo vetëm në rrjetet sociale por edhe në media, pasi gjatë kohës që kryeministri fliste, qarkullonin mesazhe, ku veprimtarëve të FRESSH dhe jo vetëm u kërkohej të bënin rolin e studentëve apo edhe të bënin komente pozitive, apo u sugjeroheshin mesazhet.
Tashmë, po publikohen mesazhe të zyrtarëve të Rilindjes, të cilat e nxjerrin zbuluar kryeministrin që del se ka orkestruar gjithçka.
Deputetja e Partisë Demokratike, Albana Vokshi, ka publikuar së fundmi një mesazh që drejtorja e shkollës “At Zef Pëllumi” në Tiranë. Ajo u kërkonte mësuesve të bënin komente pozitive në adresë të kryeministrit.
Ja çfarë dëshmon Albana Vokshi:
“SKANDALI!!!
Jo vetëm FRESSH-i!
Lindita Nikolla ka urdhëruar mësues e drejtorë shkollash të bëjnë komente, ndërsa Kryeministri bënte monologun e përçartur…
Më poshtë mesazhi i shpërndar nga Anila Barxho, drejtoresha e Shkollës “At Zef Pëllumbi” në Tiranë për mësuesit.
Protestën Rama e do të depolitizuar… arsimin jo…”
Kujtojmë se studentët pas gjashtë ditësh proteste para Ministrisë së Arsimit, kanë paralajmëruar se sot do të “paralizojnë” trafikun në të gjithë Tiranën, ndërsa i kanë dhënë kryeministrit ultimatum deri në orën 16:00, në të kundërt protesta e tyre do të zhvendoset para Kryeministrisë.
