Pas videove të publikuara ne rrjetin social TIK-TOK të kryegjyqtares së Elbasanit Enkeleda Kapedani, në të cilat shihet duke “sfiluar” në ambientet e Gjykatës së Elbasanit kanë marrë vëmendjen e gjithë mediave dhe publikut.
Disa prej videove gjyqtarja i shoqëronte me këngë që flisnin për mafian dhe kokainën. Ndërsa në disa video të tjera ajo shihet duke udhëtuar me automjetin e saj po në shoqërinë e ritmeve të tilla dhe këngëve të njohura nga reperat shqiptarë.
Në një video ajo shihet se ngre gishtin e mesit, teksa shijon ritmet e muzikës në sfond. Më tej ajo bën edhe veprime sikur po gjuan me kallash, duke shoqëruar kështu tekstin e këngës që po dëgjon.
