Ditën e sotme “Gazzetta dello Sport” në Itali ka zbuluar rrogat e të gjitha ekipeve në Seria A, dhe konfirmohet sërish, se më i paguari është Kristiano Ronaldo.
Nga vëzhgimi, vihet re se 20 klubet elitare italiane, shpenzojnë plot 1.36 miliardë euro në rrogat bruto, shifra më e madhe kjo ndonjëherë në histori. Më i paguari, është sigurisht portugezi Ronaldo, që në një vit fiton plot 31 milionë euro.
Pas tij, renditet sërish një lojtar i “Zonjës së Vjetër”, ardhja e kësaj vere Matajs De Ligt, me 12 milionë euro në total(8m + 4m bonuse), ndërsa i treti gjendet Romelu Lukaku i Interit, me 7.5 milionë euro në sezon plus 1.5 të tjera në formë bonusesh. Më tej, deri në vendin e dhjetë, të gjithë janë lojtarë të Juventusit, ku përmendim Higuain, Dibala, Rabio, Ramsei, Pjaniç, Kosta apo Manxukiç. Për të gjetur një lojtar nga Milani, duhet të zbresim në vendin e 12-të, ku Xhanluixhi Donaruma përfiton 6 milionë euro në sezon.
Ndërkohë, renditjen e ekipeve e kryeson Juventusi, me 294 milionë euro të cilat shkojnë për lojtarët në një sezon. Në vendin e dytë renditet Interi, që jep 139 milionë euro për futbollistët, më pak se gjysma e Juves.
Poshtë zikaltërve, rendite Roma me 125 milionë, e Milani me 115 milionë. Më poshtë, renditjet e lotjarëve dhe ekipeve.
Renditja e ekipeve
1. Juventus (€294m)*
2. Inter (€139m)
3. Roma (€125m)
4. Milan (€115m)
5. Napoli (€103m)
6. Lacio (€72m)
7. Torino (€54m)
8. Fiorentina (€50m)
9. Kaljari (€44m)
10. Bolonja (€41m)
11. Xhenoa (€40m)
12. Sampdoria (€36m)
13. Atalanta (€36m)
14. Sasuolo (€35m)
15. Leçe (€32m)
16. Parma (€31m)
17. SPAL (€30m)
18. Udineze (€30m)
19. Bresha (€28m)
20. Verona (€25m)
20 lojtarët më të paguar në Seria A
1. Kristiano Ronaldo (Juventus, €31m)*
2. Matajs De Ligt (Juventus, €8m + €4m)
3. Romelu Lukaku (Inter, €7.5 + €1.5m)
4. Gonzalo Higuain (Juventus, €7.5m)
5. Paulo Dibala (Juventus, €7.3m)
6. Adrien Rabio (Juventus, €7m + €2m)
7. Aaron Ramsei (Juventus, €7m)
8. Miralem Pjaniç (Juventus, €6.5m)
9. Duglas Kosta [Juventus, €6m)
10. Mario Manxukiç (Juventus, €6m)
11. Sami Khedira (Juventus, €6m)
12. Xhanluixhi Donaruma (Milan, €6m)
13. Kalidu Kulibali (Napoli, €6m)
14. Leonardo Bonuçi (Juventus, €5.5m)
15. Edin Xheko (Roma, €5m + €1m)
16. Diego Godin (Inter, €5 + €1m)
17. Aleks Sandro (Juventus, €5m)
18. Emre Xhan (Juventus, €5m)
19. Alexis Sançez (Inter, €5m)
20. Lorenzo Insinje (Napoli, € 4.6m)
