Pas thyerjes së KZAZ nr.16 nga mbështetës të opozitës, FNSH rrethon Burrelin. Raportohet për disa persona të shoqëruar.
Mes të ndaluarve nga policia ka qenë edhe ish-deputetja e PD-së në Mat, Dhurata Çupi si dhe kryetarja e FRPD-së, Denisa Vata.
Por sipas deklaratës së Policisë ky ishte një lajm i rremë pasi ish-deputetja nuk ishte shoqëruar.
Ish-deputetja e ka përgënjeshtruar këtë deklaratë ku përmes një foto të siguruar nga Faxweb.al, shikohet në një makinë, e shoqëruar nga dy persona të maskuar që mendohet të jenë efektivë të Forcave Speciale.
Burime bëjnë me dije se ish-deputetja Çupi dhe kryetarja e FRPD-së Vata janë shoqëruar për t’u marrë në pyetje në lidhje me incidentet e dhunshme në KZAZ-në nr 16 në Burrel dhe atë 17 në Klos ku qytetarët hynë me forcë dhe nxorën jashtë materialet zgjedhore dhe u vunë më pas flakën.
