Në analizën e kryer pas ndeshjes ndaj Salernitanës, një vëmendje të madhe pa dyshim që e morën lëvizjet e Simone Inzaghit.
“Nëse qëndrimi që mbajnë lojtarët në fushë gjatë 90 minutave është edhe për pasojë të qasjes së trajnerit, pa dyshim që ai ka një ndikim edhe më të madh kur vjen puna për ndërhyrjet gjatë ndeshjes.
Në këtë moment kur Interi nuk arrin të mbyllë ndeshjet, zëvendësimet e Inzaghit janë aq konservative sa ndonjëherë frikësojnë.
Përse ndaj Salernitanës, i dha Asllanit vetëm 63’ dhe aktivizoi Brozoviçin më të dobët të dy viteve të fundit?
Vërtet 21-vjeçari është preferuar pak nga trajneri, por puna e bërë deri në atë moment nga ish-lojtari i Empolit duhet të ishte shpërblyer në një tjetër mënyrë nga Inzaghi”, lexohej në analizën e Sportmediaset.
