E djela e gëzoi shumë Taulant Ballën që shpërndante një shkrim të gazetës “Bild” për të ashtëquajturat financime ruse të Lulzim Bashës, për të cilat u mbyll dhe një proces gjyqësor në Shqipëri.
Mediat afër qeverisë i bënë jehonë këtij shkrimi, pikërisht nga gazeta gjermane që publikoi përgjimet e vjedhjes së votave në Dibër.
Por, nuk kaluan shumë orë dhe gazeta “Bild” e hoqi shkrimin nga rrjeti i saj. Nuk ka një shpjegim deri tani për këtë, por zakonisht shkrimet hiqen nga faqet on line, kur ato rezultojnë të rreme.
Tani pritet të hiqet edhe shënimi i Taulant Ballës nga rrjetet sociale, sepse po klikove mbi të del mosgjëja si e dëshmon dhe fotoja e këtij shkrimi.
