Refuzimi i Partisë Socialiste për të ngritur komision hetimor për çshtjen “Bechetti”, sipas sekretarit të Përgjithshëm të Partisë Demokratike është në kundërshtim me Kushtetutën.
Nga foltorja e Kuvendit, Gazment Bardhi tha se Edi Rama vendosi të grisë ligjin për të mos lejuar opozitën që të faktojë korrupsionin e tij.
Sipas demokratit argumentat në të cilat bazohet PS tek shkresa e Avokatit të Shtetit janë të pabaza, pasi ky institucion është në konflikt interesi. Megjithatë, Bardhi theksoi se e vërteta do të dalë dhe se ata nuk do të heshtin.
Po e kulmoni me këtë seancë me tentativën për të na mohuar një të drejtë që na njeh kushtetuta. Ajo që po bëni sot është që po pengoni për pak kohë ngritjen e këtij komisioni deri sa të shprehet gjykata kushtetuese. Kërkoni ta mbani në errësirë dhe me këtë akt ju vetë denoncoheni. Ju vendosni fatin e Edi Ramës përpara fatit të fëmijëve tuaj. E di që jo të gjithë ju ndani të njëjtin moral të pisët me Edi Ramën. E di që socialistët e ndershëm nuk duan t’ju shohin kokë ulur. Sot jemi më të vendosur se kurrë për t’u përballur me të keqen. E bëjmë edhe për ju që heshtni. Argumentat që dëgjova këtu janë mjerave sepse janë pretekst. Ku bazoheni ju që mohoni të drejtën e opozitës për një komision hetimor, tek një shkresë e avokatit të shtetit. Avokati i shtetit është në konflikt interesi sepse do të jetë objekt hetimor. Avokatura ka gënjyer me dashje. Procesi në arbitrash nuk ka përfunduar thotë. Kjo është gënjeshtër, procesi ka përgunduar. E vërteta do të dalë,”u shpreh ai.
