Halimi, Xhafaj e Vasili flasin pas mbledhjes së komisionit, për afatet e miratimit të kësaj reforme
Përfaqësuesit e mazhorancës dhe opozitës në Komisionin e Refomës në Drejtësi, deklaruan qëndrimet e tyre pas mbledhjes ku ishin të pranishëm edhe ambasadorët e SHBA e BE-së. Në emër të PD, deputeti Eduard Halimi tha se opozita ka rënë dakord me komponentin anti-korrupsion për reformën në drejtësi. Në përfundim të mbledhjes së Komisionit, Halimi u shpreh se ditën e hënë do të shprehen për draftin.
Kreu i Komisionit për Reformën në Drejtësi Fatmit Xhafaj, tha se java e ardhshme është decisive për miratimin e reformës në drejtësi. Xhafaj tha se është koha për veprim dhe për të bërë punë konkrete. “Pati një propozpim nga mazhoranca për ta votuar sot projektin kushtetues por opozita kërkoi më shumë kohë dhe ramë dakord që ta mirëkuptojmë opoizitën dhe të hënën në orën 9 ose 10 do të mblidhet komision për të shqyrtuar projektin dhe për ta votuar projektin në parim.
Është momenti për të bërë punë konkrete. Java qe vjen do të jetë deçisive për ta shtyrë procesin përpara. Unë do të mbledh rregullisht komisionin për të diskutuar projektin nen për nen dhe për tja çuar Kuvendit dhe për ta shoqëruar projektin edhe me një sërë ligjesh që e zbatojnë këtë projekt të rëndëishëm. Nuk ka kohë, koha është të veprojmë”, tha Xhafaj. Ndërsa kryetari i grupit parlamenter të LSI-së, Petrit Vasili kërkoi hapa më të shpëjtë në drejtim të miratimit të reformës në Drejtësi.
