Pas firmosjes së dekretit për shtyrjen e zgjedhjeve, Partia Socialiste ka nisur menjëherë procedurat për shkarkimin e Presidentit të Republikës, Ilir Meta.
Mësohet se PS ka nisur mbledhjen e firmave për shkarkimin e presidentit. Firmat e para janë mbledhur nga deputetët e PS në Komisionin e Ligjeve, pasi duhen 35 firma për të iniciuar kërkesën e shkarkimit të Metës.
Kujtojmë se Meta dekretoi sot shfuqizimin e dekretit nr. 10928, datë 05.11.2018 të Presidentit të Republikës “Për caktimin e datës së zgjedhjeve për organet e qeverisjes vendore” duke anuluar datën 30 qershor 2019, si ditë e zhvillimit të zgjedhjeve për organet e qeverisjes vendore në Republikën e Shqipërisë.
