Protesta kundër rritjes së çmimeve ka nisur ditën e sotme në orën 11:00, ashtu sikurse ishte paralajmëruar dhe do të vijojë deri në orët e para të mëngjesit.
Kështu kanë paralajmëruar qytetarët të cilët kanë vendosur të bëjnë rezistencë duke qëndruar para kryeministrisë.
Protestuesit janë rrethuar nga efektivët të cilët janë përpjekur t’i shpërndajnë.
Lapaj teksa ka folur është shprehur se policia paradite nuk ndërhyri sepse ishin mbi 20 mijë qytetarë dhe nuk u leverdiste të bënin rrëmujë.
“Tani që ne u pakësuam, ndërhyjnë këta. Drejtuesit e policisë së shtetit të mos bëhen nënpunës së oligarkëve. Ne nuk jemi duke penguar trafikun. Ky segment ka rrugë alternative. Nuk bëhet kjo punë kështu.Me stilin të mirë në mëngjes, dhe ujqër në darkë, nuk funksionon. Ne jemi për të treguar simbolikën. Kjo është simbolikë. Ata që nuk e kuptojnë, ose janë të ligj, ose nuk e di”, shprehet Lapaj.
