Protestuesit vijojnë rezistencën përpara Kryeministrisë. Ata janë të vendosur për të rrëzuar qeverinë. Një prej tyre është shprehur se nuk kërkon më ulje çmimesh, por që të largohet qeveria e kryeministrit Edi Rama. Ai u shpreh se shkoi në shtëpi të merrte batanije dhe kur u kthye e gjeti sheshin e mbushur me efektivë.
“Nuk është polici kjo, këta janë kriminelë e po mbrojnë kriminelë. Nuk është Polici e Shtetit. Unë u shkëputa, shkova në shtëpi të merrja batanije dhe erdha në shesh për të qëndruar gjithë natën. Nuk jemi këtu për të kërkuar ulje e vajit makaronave e orizit, jemi këtu për ta rrëzuar fare këtë qeveri, nuk duam zgjidhje nga këta kriminelë,”- tregoi ai.
