Pasditen e sotme janë shoqeruar në polici naftetaret e Ballshi, të cilët prej disa ditësh protestojnë kundër shitjes së Uzinës së Ballshit për skrap.
Njoftimin për shoqerimin në Polici e kanë dhënë vetë naftëtarët në Facebook. Mësohet nga burime të policisë se nuk jane arrestuar por shoqeruar pasi do te pyeten mbi protesten e organizuar.
Sipas burimeve te policise naftetaret kur donin te kalonin porten e Rafinerise kanë prishur deren dhe kane kundershtuar sherbimet e sigurisë private për ruajtjen e Uzines.
Naftëtarët e Ballshit janë mbledhur sërish në një protestë diten e djeshme përpara rafinerisë që sipas tyre është panifikuar për t’u ç’monutar. Ata kanë kërkuar që kjo të mos ndodhë por përkundrazi, rafineria të vihet në punë dhe ata të punësohen.
Protestuesit kërkojnë që të marrin rrogat e prapambetura dhe shtojnë se do të qëndrojnë aty derisa të marrin një zgjidhje sepse sipas tyre, rafineria u takonte vetë naftëtarëve që kanë punuar gjithë jetën aty.
