Një tjetër protestë po zhvillohet para godinës së bashkisë së Tiranës, ku dhjetëra qytetarë kanë kërkuar largimin e kreut të bashkisë së Tiranës, Erion Veliaj dhe kryeministrit Edi Rama.
Me pankarta në duar “E duam bashkinë pa Erion Velinë”, “E duam Shqipërinë pa Edi Ramën, “E duam Shqipërinë pa Erion Velinë”,“Rama e Veliaj të ikin nga Shqipëria”, qytetarët u shprehën se politikanëve të korruptuar iu ka ardhur dita për t’u larguar nga vendi.
Qytetarët e Tiranë i janë përgjigjur thirrjes së opozitës, duke protestuar në qendër të Tiranës. Për më shumë se 30 minuta, protestuesit kanë bllokuar rrugën mes bashkisë së Tiranës dhe Teatrit Kombëtar, duke hedhur parulla kundër qeverisë, si shkaktare për jetën gjithnjë e më të vështirë e më të shtrenjtë në Tiranë.
