Pedagogë të universiteteve në Tiranë e atyre në rrethe mblidhen sot në orën 11:00 përpara Universitetit Politeknik të Tiranës për të vazhduar javë e dytë të bojkotit të mësimit dhe zhvillimit të një proteste kombëtare.
Ndërkohë kujtojmë se pedagogët kanë njoftuar bojkot të mësimit pa afat, deri në plotësimin e kërkesave, ku kryesorja është ajo për rritjen e pagave dhe shtimi i buxhetit për kërkim shkencor.
Po ashtu nuk përjashtohet as mundësia e përshkallëzimit të protestës. Sakaq, ftesa për t’iu bashkuar protestës u është bërë edhe studentëve të cilët nuk kanë munguar as në protestat e shkuara.
Nga ana tjetër, kryeministrit Edi Rama ka qëndruar i prerë në fjalën e tij se pedagogët nuk do të kenë rritje rroge nga qeveria më shumë se 7% dhe se një rritje e mundshme mund të ndodhë vetëm pas dimrit.
