Nga Dritan Kaba
PROTESTA QYTETARE DHE SHQETESIMI I “ANALISTEVE” TE BORDEROVE!
Disa “analistë” që hanë çorbën e qeverisë thonë që bllokimi i rrugëve dëmton ekonominë.
Dhe kush e thonë?!
Ata që nuk kanë shkruar një gërm për PPP që po gllabërojnë taksar e shqiptarëve dhe që kanë deformuar tregun e lirë. Ata që ende nuk kanë artikuluar një shqetësim për falimentimin e biznesit të vogël dhe të mesëm. Ata që nuk thanë një fjalë për fermerët dhe blegtorët, por u lëshuan si hiena të kafshonin djersën dhe sakrificën e tyre.
Bllokimi i rrugëve është ndërgjegjsim për çdo qytetar dhe jo për ata që iu prishet weekend për të ngrënë dreka e darka me parate e pushtetit. Bllokimi i rrugëve është ndergjegjësim për çdo qytetar i cili mezi mbyll muajin dhe jo për “analistët” në borderote e shtetit dhe krimit të organizuar.
Bllokimi i rrugëve është ndërgjegjësim për çdo fermër që ra pre e propagandës qeveritare këto dite dhe jo për konet që iu lëpihen qeveritarëve të korruptuar.
Bllokimi i rrugëve është ndergjegjësim për çdo të ri, që të mos e shoh të ardhmen e tij jashtë vendit, por të luftojë këtu për të shporrir këtë të keqe të Kombit.
Kështu ju të dashur “analistë” e dimë që ku ka zënë shqetësimi, por atë nuk e keni për ekonominë, as për rininë, as për shqiptarët e zakonshëm, por për fundin e borderove tuaja.
