Policia ka arrestuar 16 persona, pasi morën pjesë në protestën e djeshme kundër rritjes në stratosferë të çmimeve në vend. Uniformat blu bëjnë me dije se gjithashtu po procedohen në gjendje të lirë pesë persona të tjerë.
Të arrestuarit akuzohen për veprat penale “Organizimi dhe pjesëmarrja në grumbullime e manifestime të paligjshme”, “Prishja e qetësisë publike”, “Mosbindja ndaj urdhrit të punonjësit të policisë së rendit publik” dhe “Pengimi i qarkullimit të mjeteve të transportit”, kryer në bashkëpunim.
Policia thotë se po punon për identifikimin dhe arrestimin e personave të tjerë të përfshirë në këtë protestë, ndërsa bën apel që qytetarët të mos përfshihen në akte dhune dhe të mos bllokojnë lëvizjen e lirë të mjeteve dhe qytetarëve.
Protesta e djeshme u mbajt para kryeministrisë për të kundërshtuar rritjen galopanteve të çmimeve dhe bërë thirrje qeverisë të dalë masa, por ndërsa qytetarët protestonin, Rama dhe ministrat ndodheshin në Dubai pa prishur terezinë e tyre.
