Një nga pedagogët e ngritur në protestë për rritjen e pagave ka thënë se trajtimi i tyre në Shqipëri nuk krahasohet jo vetëm me Evropën, por as me vendet e Ballkanit. Ndër të tjera, ai ka kërkuar qeverisë dhe ministrisë së Arsimit që ta shohin arsimin e lartë si prioritet kombëtar.
“I kërkojmë qeverisë ta shohë arsimin e lartë si prioritet kombëtar. Eksperienca ime 10 vjet në vendet e BE si kërkues shkencor e pedagog nga Bundestagu në Letoni më bën të ndihem i indinjuar për mënyrën si trajtohemi sot duke nisur nga pagesat te kërkimi shkencor krahas vendeve të BE ne sot nuk krahasohemi as me vendet e Ballkanit. I bëj thirrje ministres së Arsimit dhe kryeministrit të na shohin si partnerë dhe jo si armik”, tha ai.
Protesta është konceptuar të mbahet në formën e një forumi ndërkohë që para universitetit Politeknik është vendosur edhe një podium për mbajtjen e fjalës nga ana e pjesëmarrësve.
