Maturantët, të cilët nuk janë shpallur fitues në fazën e parë të pranimeve në universitetet e vendit kanë protestuar sërish ditën e sotme, kësaj here përpara Kuvendit të Shqipërisë.
Maturantët janë shpehur kundër formulës së përzgjedhjes dhe dëgjimit të zërit të tyre nga deputetët.
Sipas tyre, amullia që është krijuar ka vetëm një qëllim, kalimin e tyre tek universitetet private.
“Ata që kanë nota të mira nuk janë shpallur fitues. Kjo amulli është bërë që studentët të shkojnë drejt privatit, duke bërë korrupsion”, tha njëri prej maturantëve.
Protestuesit janë shprehur se nuk do t’i ndalin protestat dhe kërkojmë rikthimin e sistemit të mëparshëm për futjen në universitete.
“Ne nuk ndalim protestat, kërkojmë rikthimin e sistemit të mëparshëm, nuk jemi të përgatitur me këtë lloj sistemi për pranimin në universitete”, u shprehën ata.
Nxënësit që nuk e kanë gjetur veten në listat fituese thonë se mesatarja që ishte kriteri kryesor i vendosur nga institucionet e arsimit të lartë për t’u pranuar në auditore nuk është marrë parasysh, pasi jashtë listave thonë ata kanë mbetur studentë me rezultate shumë të larta dhe mesatare gati në 10.
Maturantët kanë deklaruar se do t’i vijonë protestat derisa të marrin një zgjidhje, sepse sipas tyre po përjashtohen nga e drejta e studimit, dhe kanë akuzuar Ministren Nikolla që po i orienton drejt universiteteve private.
https://www.facebook.com/651561178215203/videos/1088755874495729/
https://www.facebook.com/651561178215203/videos/1088759527828697/
