Pas 26 vitesh nga rrëzimi i bustit, Preç Zogaj iu bashkua protestës së opozitës, ku është shprehur se kësaj here të rrëzojmë monumentin e blerjes dhe vjedhjes së zgjedhjeve.
Zogaj tha se demokracia nuk mund të shartohet me zgjedhjet e blera dhe të vjedhura” tha ai.
“Refleksione ka shumë, do them vetëm një. Lëvizja Studentore e 20 shkurtit, Lëvizja Sindikaliste, Popullore dhe Politike e 20 shkurtit na ka lënë këtë mesazh që është i gjallë sot e kësaj dite. Demokracia nuk mund të shartohet me diktaturën. Disa thonë se nga ky shartim lind demokratura, nuk është e vërtetë, dikatura e mund demokracinë nëse jetojmë në këtë shartim. Sot demokracia nuk mund të shartohet me zgjedhjet e blera dhe të vjedhura. Kjo është historia e re ku populli shqiptar është bashkuar me PD për të rrëzuar monumentin e zgjedhjeve të blera dhe të vjedhura, zgjedhjeve të prishura, ky është monumenti. Ky si një kusht për të filluar një histori të re. Viktor Hygo thoshte: Nuk ka fuqi më të madhe se një kauzë koha e së cilës ka ardhur. Koha e zgjedhje të lira në Shqipëri ka ardhur. Destini është vetëm një. Kjo është një lëvizje që lëviz vetëm në një rrugë, është vetëm fitorja dhe nuk ka alternativë tjetër”, tha Zogaj.
