Ish-deputeti i PD-së Edi Paloka ka dhënë detaje mbi nismën e opozitës për të bllokuar rrugët e vendit.
Përmes një postimi në facebook, Paloka shkruan se sot rrugët do të bllokohen për të paktën dy orë në të gjithë Shqipërinëse, pasi vendi ka nevojë për këto sakrifica të vogla.
Statusi i plotë
Sot rrugët do të bllokohen për të paktën dy orë në të gjithë Shqipërinë.
Kam dëgjuar këto ditë dhe nga ata që pyesin: “çfarë taksirati kanë njerzit ?” .
Kjo në rastin më të mirë është dritëshkurtësi.
Kushdo që është i bindur se Rama duhet të ikë, pasi e ka kuptuar se asnjë zgjidhje e përmirësim nuk do të ketë situata pa largimin e tij, duhet ti bashkohet protestës. Sa më shpejt, aq më pak kosto për të gjithë.
Sakrificat që kërkohen sot, janë të vogla; nga disa orë në rrugët e bllokuara tek pjesmarrja aktive në protestën e 11 majit. Sa më shumë të zgjasë kjo situate, aq më të mëdha do jenë kostot dhe sakrificat. Por të gjitha këto “sakrifica” nuk janë asgjë krahasuar me çfare na pret ne se Rama arrin të konsolidojë diktaturën e krimit në Shqipëri. Kush e ka përjetuar një herë e di që asnjë sakrificë nuk është e tepert për ta ndalur.
Kush ka ulur kokën përpara Ramës e pranon skllavërimin, le ta mbajë kokën ulur.
Shërbetorët dhe ata që e ngrenë zërin në mbrojtje të Ramës se janë të zhytur njësoj si ai, duhen trajtuar njësoj si ai.
Ne të tjerët kemi detyrë të shpëtojmë të ardhmen e femijëve tanë e mos të lejojmë një kriminel të çmendur ta shkatrrojë.
