Për herë të parë pas protestës së dhunshme që u zhvillua sot në PD, ka folur kryedemokratiti Lulzim Basha. Përmes një konference për mediet nga zyrat e PD, ai tha se ato çka pamë sot ishin pamjet e një dhune dhe sulmi që kishte paralajmëruar Berisha, ishte tragjike. Por, sipas tij mbështetësit e Berishës e kuptuan sot qëllimin dashakeqës të tij dhe e braktisën, e refuzuan dhunën e tij.
“Këto ishin zhvillime tragjike. Dita e sotme ishte paralajmëruar si një dite dhune dhe sulmi mes demokratësh nga Sali Berisha, si dita e pushtimit me forcë e selisë. Ai kërkon t’iu ngarkojë demokratëve hallin e tij personal. Pjesa më e madhe e braktisën, demokratët nuk iu përgjigjen kërkesës së tij për dhunë dhe për të mbuluar një të vërtetë që e di çdo kush. Të vërtetën që beteja e Berishës që sakrifikon çdo kënd, ka marrë fund. Asnjë nga dy objektivat që Berisha i kishte vënë vetes nuk u realizua”, tha ai.
Më tutje, ai tha se edhe ato persona që e kishin ndjekur në çdo Foltore Berishën, sot e braktisën dhe madje Basha falënderoi secilin prej tyre, edhe pse kanë qenë kritikët e tij më të mëdhenj. “Ne ishim këtu për një mbledhje që kishte të bënte me organizmin e partisë dhe u përballem me një organizim për të shkartuar partinë për interesat personale të Sali Berisha. Dua të falënderoj dhe ata që u zhgënjyen nga masakra zgjedhore dhe ndoqën për muaj Berishën, sot e braktisën dhunën e tij. Madje së pari falënderoi kritikët e mi, që sot e kuptuan planin dhe fytyrën e vërtetë të Berishës”, u shpreh ai.
Kujtojmë se protesta e zhvilluar sot ne PD shkaktoi shumë dëme në seli, por edhe shumë persona mbetën të lënduar. Ndërsa, kanë qen
