Kryetari i PD-së Lulzim Basha tha se nesër do të mbyllet qëndresa 12 javore dhe 13 maji do të hyjë në historinë kombëtare, si dita e parë e Republikës së re.
Nga çadra e protestës, paraditen e sotme Basha tha se në manifestimin më të madh referendar do të mblidhen të gjithë të papunët, të zhgënjyerit dhe elita e vërtetë e kombit.
“Dymbëdhjetë javë qëndresë përmbyllen nesër. Nesër kjo qëndresë do të inagurojë republikën e re. E nesërmja do të hyjë në historinë kombëtarë sepse është dita e një bashkimi të paparë e të padëgjuar ndër vite e dekada” deklaroi Basha.
Protesta e paralajmëruar e opozitës pritet të nisë nesër në orën 12:00 para kryeministrisë, aty ku aktualisht ndodhet çadra e ngritur prej 18 shkurtit 2017.
https://www.facebook.com/lulzimbasha.al/videos/1505175526200290/
