Klement Balili i njohur si “Eskobari i Ballkanit” kërkon lirinë në Gjykatën e Apelit, pasi sipas tij ai nuk është i përfshirë në trafikun e drogës.
Edhe pse i dënuar me 10 vjet burg, avokatët mohojnë akuzat ndaj Balilit ndërsa shprehen se prokuroria nuk ka prova për të vertetuar akuzat.
Pritet hedhja e shortit për të përcaktuar trupin gjykues në Apel dhe seancën e parë. Kujtojmë se në Shkallë të Parë, mbrojtja e Balilit pretendoi se numri që prokuroria thotë se është i tij, në të vërtetë nuk vërtetohet që i përket Balilit.
Për rrjedhojë, tha mbrojtja edhe personi që del në përgjime nuk është Klement Balili. Ndërkohë për numrin e pasaportës, avokati tha se dikush e ka dërguar qëllimisht për të implikuar klientin e tij.
