Prokuroria e Tiranës, ka dhënë disa detaje lidhur me hetimet që po kryhen për vrasjen e 25 vjeçarit Klodian Rasha.
Ajo që bën më shumë përshtypje në deklaratë, është fakti se prokuroria shprehet, që ndaj Klodian Rashës nuk është ushtruar dhunë, konstatim ky krejt i kundërt nga ai i familjarëve të viktimës, të cilët kanë deklaruar se ai ka patur shenja dhune.
“Nisur nga reagime të ndryshme, në mediat audio-vizive dhe ato të shkruara, në lidhje me pretendimet për konflikt fizik, keqtrajtim të kufomës, përpara ndjekjes, gjatë ndjekjes dhe pas goditjes me arme zjarri nga autori i ngjarjes apo persona të tjerë, e ndjejmë me vend të sqarojmë, duke respektuar dispozitat e Kodit te Procedures Penale për sekretin hetimor, se në bazë të provave të pakundërshtueshme, të administruara, nuk ka patur përdorim dhune”, thuhet ndër të tjera në deklaratën e prokurorisë.
Ai pohon se djali kishte plagë të madhe në kokë me 10-12 të qepura, shpërfytyrim të fytyrës dhe traumë në shpatull.
