Një ditë pasi Kuvendi autorizoi Krimet e Rënda për të hetuar në gjendje të lirë deputetin Saimir Tahiri, Prokurorët kanë nisur kontrollet në shtëpinë e ish-ministrit.
Në banesën e deputetit kanë mbërritur katër Prokurorë, që po kryejnë kontrollet në kuadër të hetimeve.
Oficerët e Policisë Gjyqësore kanë mbërritur në banesën e deputetit në orën 14:05, ndërsa vetëm 5 minuta më vonë ka shkuar në banesë dhe Tahiri.
Deputeti Saimir Tahiri akuzohet për përfshirje në trafikun ndërkombëtar të lëndëve narkotike, akuzë për të cilën Prokuroria e Krimeve të Rënda kërkoi dhënien e autorizimit nga Kuvendi për arrestimin e tij.
