Banorët e zonës Kodra e Priftit vazhdojnë protestën e nisur pak më parë për devijimin e projektit të Unazës së Madhe. Njëra prej protestuesve tha se, bashkia po prish shtëpitë e tyre që të ndërtojë Tom Doshi pallate. Sipas saj projekti është devijuar nga ai që iu është prezantuar në fillim. ‘I do qejfi e më thotë dil me qira, e ku të shkoj unë. Apo të ndërtojë Tom Doshi këtu me shokët e vet. Sot kujtohen dhe thonë se do të devijohet rruga” tha një nga banoret.
Ata janë shprehur se u është premtuar legalizimi i banesave, të cilat do u shemben për këtë projekt. Sipas tyre është favorizuar një tokë, që është boshe për të ndërtuar pallate.
“Na premtoi se me garanci do të dëmshpërbleheni, ua jap me garanci, si nuk na ka ardhur një njëri. Nuk e di si e vlerësojnë ato, kur jam ankuar te avokati i popullit, dhe më kanë sjell letrën që më kap rruga. Ne duam që projekti të shkojë ku ka qenë. Vota nga ne nuk presim më. Edhe kalamajtë që janë kokë e këmbe më Edi Ramën mos ta votojnë”, tha një tjetër.
