Eksperti i Ekonomisë së PD, Dorjan Teliti i është përgjigjur Ministrit të Rindërtimit, Arben Ahmetaj pas kritikave për planin ekonomik të PD.
Teliti e siguron Ahmetajn se PD është pro Rindërtimit dhe kundër abuzimit. Ai sqaron se me taksën e sheshtë 9%, të punësuarit do të paguajnë më pak se sot (13-23%).
Ai gjithashtu shton se do të ulet sigurimet shoqërore e çmimi i karburantit pasi paratë që sot qeveria i merr dhe i çon për PPP, PD do i çojë tek biznesi i ndershëm.
STATUSI NGA DORIAN TELITI
Përgjigje për Ahmetaj.
1.Me taksën e sheshtë 9% mbi pagat të gjithë të punësuarit do të paguajnë më pak sesa sot (13-23%), pasi ne do të ruajmë FASHËN EKZISTUESE të përjashtimit të 30mijë lekshit të parë.
Çdo biznes i madh me taksën e sheshtë 9% mbi fitimin do ketë më shumë para për investime e hapje vendesh të reja pune (jo thjesht formalizime si këto 8 vite të zymta për ekonominë shqiptare).
2.Jemi PRO RINDËRTIMIT, por KUNDRA ABUZIMIT, pasi një grusht njerëzish afër qeverisë po marrin pa garë çdo tender.
3.Ne do ti ulim në 18% sigurimet shoqërore, do ulim edhe çmimi e karburantit, pasi paratë që sot i çoni për PPP e për mobilime zyrash, ne do ti çojmë te biznesi i ndershëm i këtij vendi.
