Kryetari i Bashkisë së Tiranës ka garantuar qytetarët se çmimi i ujit të pijshëm nuk do të rritet pas privatizimit të Ndërmarrjes së Ujësjellës Kanalizimeve. Veliaj tha se ky privatizim do të ketë vetëm efekte më të mira në furnizimin me ujë të të gjitha familjeve dhe bizneseve. Veliaj teksa inspektoi punimet në rrjetin e kanalizimeve në zonën e Shkozës, ku përfitojnë 400 familje, premtoi ndërhyrje edhe në 40 zona të tjera të kryeqytetit.
Bashkia e Tiranës është në proçes negociatash me disa kompani për privatizimin e Ndërmarrjes së Ujësjellës Kanalizimeve, por kryetari Veliaj ka garantuar qytetarët se çmimi i shitjes së ujit nuk do të ndryshojë.
Këtë garanci, Erion Veliaj, e tha teksa inspektoi punimet për rrjetin e kanalizimeve të ujërave të zeza në Shkozë.
Erion Veliaj: “Jemi ende në një proces negociatash dhe dua t’i garantoj qytetarët që do të bëjmë më të mirën, derisa të bindemi që kemi marrë ofertën më të mirë për UKT-në. Së pari, kjo nuk e impakton çmimin e shitjes së ujit të pijshëm. Ky është një çmim i cili caktohet nga Enti Rregullator, ashtu si çmimi i energjisë; pra, nuk ka të bëjë fare kush e ka paketën e aksionarëve në kompani sepse çmimi caktohet nga Enti Shtetëror i Ujit”.
Rrjeti i ri i kanalizimeve në zonën e ish-Uzinës së Autotraktorëve, në Shkozë zgjidh probelematikën e ujërave të zeza për 400 familje që jetojnë në këtë zonë, por siguron edhe furnizim me ujë të pijshëm.
Bashkia dhe UKT kanë planifikuar investime në rrjetin amortizuar në të paktën 40 zona të ndryshme të qytetit.
Dalin fotot, si Arber Hajdari rrinte si hije pas Veliajt dhe a po hetohet per pastrim parash nepermjet bamiresise
“Bamirësia nuk të varfëron”, thotë slogani, por në realitet është kthyer në një mekanizëm pasurimi për ata që janë trajnuar herët...
