Mediat në Kosovë bëjnë të ditur se këngëtari Noizy dhe grupi i tij janë përplasur me armë në një nga hotelet luksoze të Prishtinës me kundërshtarët e tyre të grupit Babastars.
Fillimisht dyshohet se konflikti ka nisur në hollin e hotelit, ku anëtarët e OTR janë përplasur me “Skivin”, një prej këngëtarëve të Babastars. Pas kësaj, ky i fundit ka njoftuar miqtë e tij, mes tyre dhe këngëtari Cozman.
Raportohet se gjatë konfliktit janë përdorur edhe arme dhe një prej personave të pranishëm, ka mbetur i plagosur, ndërsa Cozman, së bashku me vëllain e tij dhe një tjetër person janë shoqëruar në polici.
Noizy ka mbërritur në spital me plagë në kokë, ndërkaq, Policia e Kosovës është duke vijuar hetimet për zbardhjen e plotë të dinamikës së kësaj ngjarjeje.
“Rreth orës 17:00 ka ndodhur një përleshje me armë ku si pasojë është plagosur një person dhe tre të tjerë janë shoqëruar në stacionin policor”, ka thënë për Telegrafin zëdhënësja e PK-së, Flora Ahmeti.
https://www.facebook.com/IndeksonlineOfficial/videos/1008838202547193/
https://www.facebook.com/telegrafi.magazina/videos/1647750912182453/
https://youtu.be/mhGolMzJKhY
https://www.facebook.com/Zbavitu1/videos/1455436311137339/
