Ditën e sotme është zhvilluar raundi i dytë i primareve në 5 bashkitë e vendit.
Partia Demokratike mbrëmjen e së dielës ka publikuar rezultatet e votimin dhe emrat e kandidatëve fitues që do të garojnë në zgjedhjet lokale.
Partia Demokratike ka finalizuar sot një nga proceset më demokratike brenda kampit blu, që nga rikthimi i Sali Berishës në krye të saj, atë të Primareve. Duke përzgjedhur me një garë brenda llojit kandidatin më të denjë për secilën nga 61 bashkitë e vendit, PD nis zyrtarisht “betejën” me maxhorancën duke u përgatitur me kandidatët e opozitës për zgjedhjet e ardhshme lokale të 14 majit 2023.
Pas përfundimit të procesit të Primareve të PD në të gjitha qarqet, kryetari i kësaj partie, Sali Berisha, i ka cilësuar këto zgjedhje si një standard i paparë demokratik në vend.
Rezultatet e kandidatëve të PD-së në 5 bashkitë e vendit:
Dibër
Ismail Uka ka fituar balotazhin në Bashkinë Dibër me vetëm 1 votë diferencë nga Besnik Alku. Alku mori 565 vota, ndërsa Uka mori 566 vota në procesin e primareve të Berishës.
Mirditë
Gjithashtu ka përfunduar numërimi i votave për 2 kandidatët e primareve në Bashkinë e Mirditë. Fitues është shpallur Albert Mëlyshi, me 528 vota, ndërsa kandidati, Aleksandër Lala mori 332 vota.
Librazhd
Procesi i balotazhit të primareve u mbyll edhe në Librazhd. Fitues u shpall Shefki Çota me 417 vota, ndërsa kandidati Arianit Leka mori 227 vota.
Fier
Po ashtu edhe në Fier u mbyll procesi i balotazhit të primareve të Berishës në Fier. Fitues shpallet Evdar Kodheli me 579 vota ndërsa kandidati Artur Mahmutaj mori 360 vota.
Mat
Numërimi i votave për 2 kandidatët e primareve përfundoi edhe në Bashkinë Mat. Fitues është Skënder Gjuci me 478 vota ndërsa 190 vota i mori Bukurosh Ballabani.
