Eugent Bushpepa do të përfaqësojë shqipërinë në Eurovizion me këngën “Mall”. Mesa shihet, suksesi i tij i pritshëm në këtë kompeticion tejkalon kufijtë e vendit.
Prestigjiozja “The sun” i ka dedikuar një shkrim këngëtarit shqiptar duke e nisur me pyetjen:
“Në edicionin e këtij viti të festivalit europian, Shqipëria do të shpresojë të sigurojë fitoren me këngëtarin Eugent Bushpepa, por a do t’ia dalë?”
Tabloidi vijon më tej duke treguar mbi jetën dhe aktivitetin artistik të këngëtarit.
“Eugent Bushpepa, i njohur si Genti, lindi në Rrëshen në 2 korrik të vitit 1984. Ai nisi të këndonte në moshë të re dhe në vitin 2006 iu bashkua një programi “Talk show” si këngëtar.
Që atëherë, Eugenti ka qenë pjesë e skenës muzikore, duke u bërë një prej këngëtarëve më popullorë në vend. Ai u shpall fitues i edicionit të 56 të këngës në Shqipëri, nga një juri profesionale duke mundur një sërë këngëtarësh të tjerë të suksesshëm.”
https://youtu.be/DocjosVM5cU
Comments 1