Presidentja e KE: Do të ketë pushime verore, por do të jenë të mundura vetëm nëse…

Deri tani sezoni veror dukej një mision i pamundur por lajme të mira kanë ardhur për Europën. Presidentja e Komisionit Evropian, Ursula von der Lyen, nëpërmjet një deklarate të dhënë ka sugjeruar që pushimet mund të ishin të mundshme vetëm duke aplikuar zgjidhje të zgjuara.
“Unë mendoj se do të gjejmë zgjidhje të zgjuara për të pasur pushime verore. Ndoshta pak më ndryshe, me masa të tjera higjienike, me pak më shumë distancë sociale, por është mbresëlënëse të shohim që kemi gjetur zgjidhje. Kështu që unë jam optimiste për pushimet e verës” u shpreh ajo në intervistën e dhënë.
Von der Leyen paralajmëroi që qeveritë të cilat po heqin “masat kufizuese” duhet ta bëjnë këtë me kujdes, hap pas hapi dhe gjithmonë me vigjilencë.
“Eshte e vështirë të parashikosh se si do të jenë muajt e ardhshëm, por ajo që unë shoh është se ne kemi filluar të mësojmë të jetojmë me virusin.
Për shembull, unë jam e impresionuar kur shoh se sa inovative është ekonomia, në mënyrën se si prodhimi ka ndryshuar.
Punëtorët punojnë me ndërrime,nëe grupe më të vogla, me distancë sociale, me masa të reja higjene.” u shpreh von der Leyen.
Masat e tilla, shpreson ajo, mund të përdoren gjithashtu për rihapjen e sektorit të turizmit nga i cili përfitojnë kaq shumë vende në Evropë.