Presidenti ukrainas Volodymyr Zelensky pritet të mbajë një “fjalim historik” për deputetët britanikë virtualisht ditën e nesërme në orën 17:00. Fjalimi që do të jepet nëpërmjet një lidhjeje me video, u konfirmua nga Lindsay Hoyle këtë mbrëmje.
Për atë se çfarë po ndodh në Ukrainë, Rusia bënë me dije se po hap korridore të reja humanitare nëpër qytete të shumta të Ukrainës, përfshirë kryeqytetin Kiev ditën e për të lejuar evakuimin e civilëve.
Kjo vjen disa ditë pasi përpjekjet e ngjashme në Mariupol dështuan pas bombardimeve të vazhdueshme nga forcat ruse gjatë orëve të armëpushimit të rënë dakord, sipas Ukrainës.
Gjithashtu, presidenti i Ukrainës Volodymyr Zelensky ka akuzuar Rusinë për vrasjen e civilëve, pasi një sulm rus të dielën në Irpin vrau një familje të re.
Zyrtarët ukrainas të mbrojtjes pretendojnë se forcat e tyre kanë rimarrë qytetin lindor të Chuhuiv. Ka pasur bombardime të reja ruse në qytetin port jugor të Mykolaiv.
Mbretëria e Bashkuar ka raportuar se do t’i japë Ukrainës 100 milionë dollarë shtesë për të ndihmuar në funksionimin e qeverisë në mes të pushtimit rus.
Çmimet e naftës janë rritur në nivelin më të lartë që nga viti 2008 pasi SHBA-ja tha se po diskutonte një embargo të mundshme ndaj furnizimeve ruse me aleatët e saj.
