Presidenti Ilir Meta ka nderuar figurën e poetit Havzi Nela, i cili u var nga regjimi komunist, 31 vitë më parë në qendër të qytetit të Kukësit
Meta shkruan se Nela bu ekzekutuar më 10 gusht 1988, në stilin e khmerve të kuq, në sheshin kryesor të Kukësit, për të kaluar në përjetësi.
“Sot populli shqiptar nderon me respekt kujtimin e martirit të lirisë, poetin disident Havzi Nela, i cili 31 vite më parë, në 10 gusht 1988, u ekzekutua në stilin e khmerve të kuq, në sheshin kryesor të Kukësit, për të kaluar në përjetësi.
Disidenca, vepra lapidare dhe sakrifica sublime e Havzi Nelës është një nga dëshmitë më të forta dhe më të vona të tmerreve që lamë pas 30 vite më parë, por edhe një këmbanë alarmi se sa e rëndësishme, por edhe e shtrenjtë është demokracia dhe pluralizmi politik, fjala e lirë, liria e medias dhe të drejtat e njeriut, që janë të vetmet garanci për lirinë dhe dinjitetin çdo shqiptari, por edhe për prosperitetin e begatinë e vendit tonë.”
