Ish-ministrja e financave, Anila Denaj ka folur mbrëemjen e sotme për zgjedhjen e presidentit të ri, megjithëse nuk ka përmendur emra konkret.
Denaj, ka qenë e ftuar në emisionin “Top Story”, ku është shprehur se emri duhet të jetë mbi palët, dhe gjithashtu përjashtoi mundësinë për emrin e ish-kryeministrit Sali Berishës, duke thënë se nuk negociohet me non-grata.
“Përzgjedhja e presidentit kalon përmes një procesi. Grupet parlamentares sot, PS ka Ballën, Gjiknurin dhe Spiroplain dhe përballë kanë Alibeajn, Dodën dhe Mediun. Palët janë të përcaktuara. Ky proces duhet të zhvillohet normalisht. Në dy raundet e para të ketë diskutime dhe përafrime të një emri, ose do shkojë te emri i mazhorancës. Nuk negociohet me non-grata, ky pozicione përjashton Berishën.
Së fundmi, Denaj është shprehur se nëse emri nuk vendoset në dy raundet e para, në raundin e tretë do vendoset emri i përzgjedhur nga mazhoranca.
“Nuk mund të spekulojmë për emrin, duhet të jetë një person që shkon përtej palëve, që drejton vendin në të gjitha sfidat dhe qëndron mbi palët. Do të ndjekim procedurat strikte, mes disa raundesh.”
