Presidenti brazilian, Jai Bolsonaro ka rezultuar sërish pozitiv me koronavirus.
Lajmin e ka bërë me dije vetë presidenti, i cili është shprehur se ka rezultuar pozitiv në testin e dytë për koronavirus.
Ai tha se tani është në gjendje të mirë dhe se nuk ka simptoma të virusit.
Ndër të tjera Bolsonaro është shprehur se shumë shpejt do t’i nënshtrohet një testi tjetër dhe se shpreson të dalë negativ dhe të mund të fillojë punën.
Kujtojmë që presidenti brazilian ka rezultuar pozitiv me koronavirus që nga 7 korriku.
Sakaq, Brazili zë vendin e dytë në botë për nga numri i të infektuarve. Deri më tani 74.445 persona kanë humbur jetën nga koronavirusi, ndërsa 1.939.167 janë të infektuar.
