Kreu i Partisë Demokratike, Lulzim Basha në një prononcim për mediat deklaroi se ministrja e Shëndetësisë dhe Mbrojtjes Sociale duhet të dërgohet për ndjekje penale, pasi ka hequr nga ndihma ekonomike mijëra familje në nevojë.
Pas mbledhjes së grupit të PD, Basha u shpreh se PD do të kërkojë një debat për këtë çështje në Kuvend, ndërsa Rama dhe ministrja do të vendosen para përgjegjësisë.
Lidhur me propozimin e Ramës dje në Kosovë për një President të përbashkët Shqipëri-Kosovë, Basha e cilësoi shashkë.
“Nuk i duhet as Kosovës dhe as Shqipërisë një hajdut i përbashkët. Shqipërisë dhe Kosovës i duhet një treg i përbashkët. Të gjithë e dinë problemin e patateve, apo mos integrimin e dy ekonomive” përfundoi ai.
