Duke u prezantuar si punonjës i bashkisë apo Ministrisë së Brendshme, Elton Tozaj i premtonte njerzëzve kredi me norma të buta interesi dhe u zhvaste atyre shuma të konsiderueshme parash me valutë të huaj.
Pas zbulimit të skemës së mashtrimit, Tozaj rrezikon dënim deri në 8 vjet burg për mashtrime ndaj disa personave dhe falsifikim dokumentesh.
Sipas prokurorisë, Tozaj të paktën në tre raste u ka marrë viktimave të tij nga 300 mijë deri në 650 mijë lekë të reja, pasi i kishte mashtruar se do t’i fuste në listën e personave që përfitonin kredi të buta nga bashkia.
Disa vite më parë ai kishte qenë sërish i dënuar për të njëjtën akzuë, pasi mashtronte personat e interesuar për t’u pajisur me dëshminë e taksistit dhe u merrte atyre shuma që varionin nga 30 mijë deri në 50 mijë lekë të reja.
Edhe këtë mashtrim ai e realizonte duke u prezantuar si këshilltar i ministrave të ndryshëm, si dhe duke paraqitur dokumente të falsifikuara.
Pas pretencës së prokurorisë, e cila kërkoi dënimin e Elton Tozajt me 8 vite burg, pritet vendimi i gjykatës.
