Kryetari i Opozitës së Bashkuar Lulzim Basha ka përsëritur edhe njëherë nga Gjirokastra, premtimet e Partisë Demokratike në lidhje me taksën e karburantit, rritjen e pagave, uljen e çmimit të energjisë etj
Basha ka premtuar se me ardhjen në pushtet Partia Demokratike e Shqipërisë, do ti japë fundit mjerimit social dhe do tha se do i jepet fund emigracionit të të rinjve.
“Kjo do të jetë një reformë politike që do ti rikthejë qyetarëve shqiptarë atë që u vodhi Rama, votën e lirë.
Qeveria e re e kryesuar nga Partia Demokratike e Shqipërisë, do ti japë fundit mjerimit social; do të godasë në zemër padrejtësitë që janë përballur qytetarët, me vjedhjen e pronave, largimin e padrejtë nga administrata, taskat lokale, me shpopullimin e fshatit që është i vetmi në Evropë që nuk merr subvencion por që merr vetëm kërbaç sa herë i del prodhimi në shitje; me shëndetësinë dhe ilaçet e skaduara; me arsimin e lartë ku sot ka 45 mijë studentë më pak në universitetet tona.
Ky është kolapsi që e solli një njeri i etur për pushtet që e çoi vendin në prehrin e krimit të organizuar.
Ndryshimi i ri do ta bëjë të pamundur këtë lidhje të pushtetit me krimin.
Reforma e re do të mundësojë që çdo qeveri dhe cdo parlament të jetë peng vetëm i votës dhe vullnetit të shqiptarëve.
Në këtë mënyrë ne do të ulim menjëherë çmimin e karburantit me 300 lekë.
Do të ulim çmimin e energjisë duke e ulur me 40 përqind menjëherë.
Do të kemi subvencionin 100 milion euro për fermerët.
Do të nderojmë sakrificën e prindërve tanë, ku spikat zotimi ynë, pensioni minimal 250 mijë lekë në muaj.
Do ta ndalim eksodin e mjekëve dhe infermiereve, ku do të kemi rritja 1200 euro të pagave për mjekët dhe 700 euro për infermierët, të paktën ti përafrohemi Kosovës.
Do ti japim fund kolapsinit në Arsimin e Lartë, duke e dyfishuar buxhetin. Buxheti i dyfishuar do të rimbursojë me 100 përqind tarifat bachelor dhe mastër për studentët që vijnë nga familje që kanë pak se 640 mijë lekë në muaj të ardhura. Do të ketë kampuse teknokologjike, në disa qytete të vendit ku inxhinierët tanë të rinj të mos ikin jashtë vendit por të punësohen këtu.
Rama e ka sjellë Shqipërinë në kolaps. Ky kryeministër është fajtor që e ka sjellë Shqipërinë në prehrin e krimit. Ne kemi planin tonë kombëtar ekonomik. Do të ulim çmimin e energjisë elektrike. Do të mbështesim me subvencione fermerët shqiptarë, në mënyrë që ata të përfitojnë realisht.
PD ka një program të qartë për rritje pensionesh dhe pagash. Pensionet do të jenë në vlerën e 250 mijë lekë të vjetra, ndërsa pagat e mjekëve do të bëhen 1200 euro, e ata të infermierëve 800 euro. Kjo do të bëjë që mjekët dhe infermierët të mos braktisin vendin. Do i japim fund braktisjes së vendit dhe rinia do të ketë mundësi për të krijuar të ardhmen në vendin tonë kaq të bukur. Demokratët janë të vendosur të mbrojnë pronën dhe dinjitetin e çdo shqiptari”, premtoi Basha.
